O‘zbekistonga tashrif buyurgan har bir sayyoh uchun har taraflama qulayliklar yaratish, jumladan, uning karta orqali to‘lovlarni amalga oshirayotganida karta PIN-kodini kiritish jarayonini o‘z ixtiyoriga topshirish lozim. Bu haqda Uzcard ma’muriyati xabar bermoqda.
Mamlakatga kelayotgan mehmonlar PIN-kodni og‘zaki aytish so‘rovlariga hayron bo‘lib qarashi tabiiy, chunki bunday so‘rov ularning ko‘zi oldida o‘g‘irlik sodir etish bilan teng. Bunday holatga duch kelgan sayyoh ushbu savdo punktida plastik karta orqali to‘lov o‘tkazmaslik, bankomat yordamida yoki bankda ma’lum pul miqdorini naqdlab olishga qaror qilishi tabiiy. “Qora bozor”ga murojaat qilishi ham bundan mustasno emas.
Shu sababli kompaniya nafaqat bank vakillari, balki karta egalarini ham plastik kartadan foydalanish madaniyatini shakllantirish bosqichida faol ishtirok etishga chaqirdi.
Plastik kartalar orqali to‘lovlarni amalga oshirish jarayonidagi asosiy havfsizlik talablari quyidagilardan iborat:
Plastik karta PIN-kodini mustaqil kiritish: gavjum joylarda PIN-raqamini uchinchi shaxslarga og‘zaki va baland ovozda aytmaslik;
PIN-kodni POS-terminallarga (ATM qurilmalar: bankomat, infokiosk) to‘g‘ridan-to‘g‘ri o‘rnatilgan videnazorat tagida kiritmaslik;
Uchinchi shaxslar ixtiyoriga plastik karta yoki uning PIN-raqamini yozib topshirmaslik.
Izoh (0)