Rim-katolik cherkovi o‘lim jazosi masalasi bo‘yicha o‘z ta’limotini o‘zgartirib, uni vaziyatdan qat’i nazar, “nojoiz” deb e’tirof etdi. Bu haqda “Gazeta.ru” xabar bermoqda.
Cherkov asrlar davomida favqulodda holatlarda o‘lim jazosiga yo‘l qo‘ygan, ammo 2005-yilda vafot etgan papa Ioann Pavel II davrida o‘z pozitsiyasini o‘zgartira boshladi.
Vatikandagilar o‘z universal katexizis(diniy aqidalarning savol-javob tarzidagi qisqacha bayoni)ini o‘zgartirganini, endi u Rim papasi Fransiskning oliy jazo masalasidagi to‘liq pozitsiyasini aks ettirishini aytdi. Unda aytilishicha, “o‘lim jazosi nojoiz, chunki bu shaxs daxlsizligi va sha’niga tajovuzdir”.
Cherkov butun dunyoda o‘lim jazosi bekor qilinishi ustida qat’i ishlamoqda, deyiladi bayonotda.
Izoh (0)