Namangan viloyatining Chortoq tumanida yashovchi A. Sh. o‘zaro janjal oqibatida akasining turmush o‘rtog‘i hamda ikki nafar qizini tosh bilan urib jarohatladi. Bu haqda “Daryo”ga viloyat IIB matbuot xizmati xabar berdi.
1974-yilda tug‘ilgan ayol va uning 1992 va 1995-yillarda tavallud topgan qizlari tuman tibbiyot birlashmasining jonlantirish bo‘limiga yotqizildi. Biroq, shifokorlar tomonidan ko‘rsatilgan tibbiy muolajalarga qaramay, kenja qiz bosh miya ochiq shikastlanishi, peshona sohasining yirtilgan jarohatlari oqibatida hayotdan ko‘z yumdi.
Mazkur xonadonda uzoq muddatdan buyon davom etib kelayotgan oilaviy mojaroga farzandlarning hovli-joy talashishi sabab bo‘lgani bildirilmoqda. Garchi hovli-joy mahalla faollari tomonidan kelishuv va o‘zaro rozilik asosida taqsimlab berilgan bo‘lsa ham, o‘rtadagi nizo hodisaga qadar davom etib kelgan.
Hozirda mazkur holat yuzasidan tergovga qadar tekshiruv harakatlari olib borilmoqda.
Izoh (0)