Tavsiya etilmagan filmlar namoyishidan so‘ng faoliyati to‘xtatilgan STV telekanali efirni tiklash yuzasidan murojaat qilmadi. Bu haqda AKT vazirligi huzuridagi Aloqa, axborotlashtirish va telekommunikatsiya texnologiyalari sohasida nazorat bo'yicha inspeksiya ma’lum qildi.
“Master media production and broadcast kompaniyasi tomonidan asos solingan STV telekanali translyatsiyasi Muassasalararo komissiya qarori asosida nomuayyan muddatga to‘xtatilgan. Uning ishini tiklash yuzasidan hozircha murojaat kelib tushmadi”, — deyiladi inspeksiya xabarida.
Telekanal rahbariyati vaziyatga izoh bermadi, faqat chindan ham qonun buzilgani va efirning to‘xtatilgani to‘g‘ri bo‘lganini tan oldi. Translyatsiyani tiklash muddatlari haqida aniq ma’lumot berilmadi.
Izoh (0)