Turkiya prezidenti Rajab Toyyib Erdo‘g‘on mamlakatda o‘lim jazosini qonuniylashtirish bo‘yicha parlament qonun qabul qilsa, uni tasdiqlashini ma’lum qildi. Bu haqda Anadolu xabar bermoqda.
Bu haqda prezident Turkiyada taqiqlangan Kurdiston ishchi partiyasi tomonidan sodir etilgan terakt qurbonlarini dafn qilish marosimida ma’lum qilgan.
“Agar qaror parlament a’zolari tomonidan qabul qilinsa va menga imzolash uchun taqdim qilinsa, men, albatta, shu zahoti imzolayman”, — dedi Erdo‘g‘on. Shu bilan birgalikda, u terrorchilar o‘z qilmishi uchun javob berishi lozimligini qo‘shimcha qildi.
Xakkari viloyatida ro‘y bergan portlashda 25 yoshli ayol va uning 11 oyli farzandi halok bo‘lgan.
Izoh (0)