Bugun, 1-avgust sanasida O‘zbekiston olimpiya terma jamoasi (1997-yilda tug‘ilgan futbolchilardan yig‘ilgan jamoa) Vyetnamda tashkil etilayotgan xalqaro musobaqaga jo‘nab ketadi, deb xabar beradi O‘FA matbuot xizmati.
Ravshan Xaydarov boshchiligidagi olimpiya terma jamoasi Indoneziyada bo‘ladigan Osiyo o‘yinlarida ishtirok etishi sababli Vyetnamdagi musobaqaga terma jamoamizni katta murabbiy Sunnatilla Abdurasulov olib boradi. 2020-yilda Tokioda o‘tkaziladigan Olimpiada o‘yinlarining saralash bosqichida ishtirok etadigan jamoaga ushbu ikki terma jamoadan nomzodlar tanlab olinadi.
30—31-iyul kunlari Toshkent shahrida yig‘in o‘tkazgan O‘zbekiston terma jamoasiga Vyetnamdagi xalqaro musobaqada mezbon Vyetnam, shuningdek, Ummon va Falastin olimpiya terma jamoalari raqiblik qiladi. Musobaqa 3-avgustdan 8-avgustgacha davom etadi.
Vyetnamga yo‘l olayotgan Olimpiya terma jamoasi tarkibi:
Darvozabonlar:
- Hamrayev Dilshod “Navbahor”
- Karimov Sarvar “Qo‘qon-1912”
- Alijonov Ilhom “Nasaf”
- Abdullayev Ibrohim “Surxon”
- Ismailov Ergash “Buxoro”
- Hoshimov Doniyor “Metallurg”
- Nasrullayev Sherzod “Nasaf”
- Rustamov Oybek “Qo‘qon-1912”
- Ismoilov Abrorbek “Neftchi”
- Qodirqulov Sanjar “Bunyodkor”
- Azimov Sardor “So‘g‘diyona”
- Nurulloyev Suhrob “Metallurg”
- Ahmadov Jahongir “Paxtakor”
- To‘xtasinov Nurillo “So‘g‘diyona”
- Ikromov Farruh “Bunyodkor”
- Abdullayev Abdulla “Bunyodkor”
- Yo‘ldoshev Ibrohim “Metallurg”
- Amonov Azizbek “Lokomotiv”
- Xolto‘rayev Jasur “Sho‘rtan”
- To‘rayev Akobir “Buxoro”
Musobaqa taqvimi:
3-avgust
Izoh (0)