Oliy Majlis Qonunchilik palatasida Mudofaa doktrinasining ijrosi muhokama qilindi. Shuningdek, Mudofaa va xavfsizlik masalalari qo‘mitasi eshituvida Qurolli Kuchlarni isloh qilish va rivojlantirish borasida Prezident tomonidan belgilab berilgan chora-tadbirlarning amalga oshirilish jarayoni tahlil qilindi. Bu haqda “Xalq so‘zi” xabar bermoqda.
Mudofaa doktrinasi barcha mamlakatlar bilan munosabatlarni xalqaro huquq normalarini inobatga olgan holda, teng huquqlilik hamda boshqa davlatlarning ichki ishlariga aralashmaslik, barcha nizolarni tinch yo‘l bilan hal qilish asosiga qurilgan.
Tadbirda parlament va vazirlik oldida turgan vazifalar muhokama qilinib, taklif va tavsiyalar ishlab chiqildi.
Xavfsizlik kengashi majlisida vazirlik va idoralar tomonidan shartnoma loyihalarini kelishish muddatlari o‘tkazib yuborilayotgani, harbiy xizmatchilar uchun qurilayotgan uy-joylarda muhandislik va pardozlash ishlari o‘z vaqtida yakunlanmagani kabi muammolar aytib o‘tildi.
Eshituvda harbiy xizmatchilar uchun uy qurayotgan tashkilotlar ustidan parlament nazoratini amalga oshirish, viloyatlar markazlaridagi “Harbiy vatanparvarlik bog‘lari”ni qurishni jadallashtirish, vazirlik huzuridagi Jamoatchilik kengashining mintaqaviy bo‘linmalari ishini faollashtirish bo‘yicha takliflar bildirildi.
Izoh (0)