Moskvadagi qurilish obyektlaridan birida O‘zbekiston va Qirg‘iziston fuqarolari mushtlashgan, oqibatda qirg‘izistonlik erkak vafot etgan. Bu haqda Qirg‘iziston elchixonasi matbuot xizmatiga tayanib, Sputnik xabar bermoqda.
Erkak balandlikdan yiqilib halok bo‘lgan. Rossiya tergov qo‘mitasi Kuzminka tumanlararo bo‘linmasi ushbu hodisa yuzasidan tekshiruv o‘tkazmoqda. Janjal ishtirokchilarining barchasi qo‘lga olingan va tergov qilinmoqda.
Ma’lum qilinishicha, o‘zbekistonliklar 10 kishini, qirg‘izistonliklar 4 kishini tashkil qilgan. Hodisa Nekrasovka tumanidagi Vertolyotchilar ko‘chasidagi 1-uy qarshisida yuz bergan.
Xabarda aytilishicha, ayni vaqtda ushbu hodisa yuzasidan jinoyat ishi ochish masalasi ko‘rib chiqilmoqda. Halok bo‘lgan qirg‘izistonlik jasadi 31 iyul kuni vataniga yuboriladi.
Izoh (0)