Samarqand avtobuslarida GPS va elektron to‘lov tizimi uskunalari o‘rnatiladi. Ayni paytda “Unicon.uz” DUK bilan umumiy foydalanishdagi yo‘lovchilar tashish transportida yo‘l haqini yagona avtomatlashtirilgan to‘lash tizimini joriy etish yuzasidan dasturiy mahsulotni ishlab chiqish bo‘yicha texnik topshiriqni tayyorlashga kirishilgan, deb yozadi “Zarnews.uz”.
Shuningdek, Toshkent, Nukus shaharlari va viloyatlar markazlaridagi 3 500 ta avtobusga elektron to‘lov va GPS tizimlari o‘rnatiladi. Bu haqda “O‘zavtotrans” agentligi boshlig‘i Davron Dehqonov 2018-yil yanvar—iyun oylari ish yakunlariga bag‘ishlangan matbuot anjumanida ma’lum qilgan.
Shuningdek, jamoat avtotransportining yo‘nalishlarda ishlashini nazorat qilish maqsadida “Yagona dispetcherlik markazi tizimi”ni joriy etish bo‘yicha choralar ko‘rilmoqda.
Mazkur loyiha doirasida 5 milliard so‘m mablag‘ o‘zlashtirilishi rejalashtirilgan.
Izoh (0)