Xalqaro kuryerlik jo‘natmalari orqali jismoniy shaxslar nomiga kelayotgan bojxona to‘lovi undirilmaydigan tovarlar uchun bir kalendar chorak mobaynida 1000 dollar hajmida cheklov o‘rnatildi, deb yozadi Spot “O‘zbekiston Respublikasi bojxona hududiga jismoniy shaxslar nomiga xalqaro pochta va kuryerlik jo‘natmalari orqali kelayotgan tovarlar nazoratini ta’minlash chora-tadbirlari to‘g‘risida”gi Prezident qaroriga tayanib.
Ilgari ushbu ko‘rsatkich oyiga 1000 dollarga teng edi. Xalqaro pochta jo‘natmalari orqali yuridik shaxslar nomiga kelayotgan bojxona to‘lovi undirilmaydigan tovarlar uchun 100 dollarlik cheklov o‘rnatildi (bir kalendar chorak uchun).
Pochta aloqasi operatorlari va provayderlari tomonidan jismoniy shaxslar nomiga xalqaro kuryerlik jo‘natmalari orqali kelayotgan tovarlar haqida davlat bojxona xizmati organlariga oldindan elektron tarzda xabar berish tizimi tatbiq etiladi.
Izoh (0)