O‘zbekiston logistika samaradorligi bo‘yicha reytingda 168 ta mamlakat ichida 117-o‘rinni egalladi

O‘zbekiston Jahon bankining LPI indeksi — logistika samaradorligi bo‘yicha reytingida 117-o‘rinni egalladi, deb yozadi Spot.

LPI indeksi mahsulotlarni yetkazib berish osonligi va milliy hamda xalqaro darajadagi savdo logistikasining holatini aks ettiradi. U 6 omilga asosan tuzib chiqiladi: bojxona samaradorligi, infratuzilma sifati, xalqaro tashuvlarni amalga oshirishning soddaligi, logistika qamrovi, yuklarni kuzatish va yetkazib berish muddatiga rioya etish shular jumlasidan.

168 ta pog‘onadan iborat reytingning eng yuqori o‘rinlarini Germaniya, Niderlandiya, Shvetsiya, Belgiya, Singapur, Buyuk Britaniya, Yaponiya, Avstriya, Gonkong, AQSh egalladi.

O‘zbekiston 117-o‘rinda Armaniston (116) va Zambiya (118)ning o‘rtasida joylashdi. Markaziy Osiyo mamlakatlari ichida eng yaxshi ko‘rsatkich Qozog‘istonga tegishli bo‘ldi — 77-o‘rin. Eng yomoni esa — Tojikistonda (147).