O‘zbekistonda diplomlar qo‘shimcha test va imtihonlarsiz tasdiqlanishi uchun o‘quv yurtlari bir necha talablarga javob berishi lozim. Bu haqda Vazirlar Mahkamasi huzuridagi ta’lim sifatini nazorat qilish davlat inspeksiyasi boshlig‘i Ulug‘bek Toshkentboyev ma’lum qildi, deya xabar beradi Sputnik.
“Agar talaba dunyo reytingida Top-500 ga kiradigan o‘quv yurti yoki O‘zbekiston kelishuv imzolagan universitetni tamomlagan bo‘lsa, imtihonlarsiz tasdiqlovchi diplomga ega bo‘ladi”, — izoh berdi Toshkenboyev.
Uning aytishicha, hozirda bu doirani dunyo reytingidagi Top-1000 gacha kengaytirish to‘g‘risidagi taklif ko‘rib chiqilmoqda.
Yuqoridagi talablarga to‘g‘ri kelmagan taqdirda bitiruvchi diplomini tasdiqlatish uchun og‘zaki imtihon topshirishi kerak bo‘ladi.
Izoh (0)