Armaniston maxsus tergov xizmati mamlakat sobiq prezidenti Robert Kocharyan (1998—2008-yillarda mamlakatni boshqargan)ni hibsga olishni so‘rab sudga murojaat qildi. Bu haqda idora saytida aytiladi.
“Sobiq prezident Robert Kocharyan 2008-yilgi prezident saylovlaridan keyin bir guruh odamlar bilan mamlakatda konstitutsion tuzumni ag‘darganlikda ayblanmoqda”, — deyiladi xabarda.
O‘sha vaqtda Kocharyan ikki muddat davomida prezidentlik qilgan va mamlakat rahbarligiga boshqa da’vogarlik qila olmas edi. U saylovda g‘olib chiqqan Armaniston bosh vaziri Serj Sargsyan nomzodini qo‘llab-quvvatlagan edi. Muxolifat vakili Levon Ter-Petrosyan tarafdorlari ommaviy norozilik namoyishlarini o‘tkazgach, Kocharyanning buyrug‘i bilan, politsiya shafqatsiz ravishda aksiya ishtirokchilarini tarqatdi, natijada o‘n kishi halok bo‘ldi, ko‘pchilik yaralandi.
Izoh (0)