Bugun,

  • USD 11095.31
  • RUB 173.84
  • EUR 10772.44

22-iyun, juma kuni AQShda 1 oydan keyin 2 yoshga to‘lishi kerak bo‘lgan egizaklar enagasining uyidagi hovuz tubidan topilgan, deb yozmoqda Forum Daily.

Foto: GoFundMe

Foto: GoFundMe

Bolalar darhol shifoxonaga olib borilgan. Egizaklardan biri — Elis shifoxonaga yetib borganidayoq jon bergani aniqlangan. Uning egizak ukasi Iliya 24-iyun, yakshanba kuni vafot etgan.

“Bilaman, hozir ular osmonda va hoynahoy birgalikda qiqirlab kulishayotgandir”, — deydi egizaklarning onasi Orexuela Ameliya Viand. U o‘g‘li haqida “U hech qachon egizak singlisisiz yashashni istamagan bo‘lar edi”, — deya qo‘shimcha qilgan.

Ayolning aytishicha, o‘g‘li Iliyaning organlari boshqa bolalarga yordam berish uchun shifoxonaga topshirilgan.

“Azob-uqubatlardan keyin Iliya o‘z singlisining ortidan ketdi. Ularning ikkisi ham juda kuchli edi. Elis ukasining ikkinchi yarimi edi. Ular bir-biriga qalban juda yaqin edi va hech qachon ayrilishmas edi. Hatto o‘lim kelgan chog‘da ham ular bir-biridan ajralmadi”, — deydi ona.

Ma’lum bo‘lishicha, egizaklar cho‘kib ketgan uyda Om Baby nomli bolalarga enagalik qilish markazi faoliyat yuritgan. Markaz Jen Salli nomiga ochilgan. Biroq u uyning egasi emas.

Om Baby markazining ham, Jen Sallining ham bu faoliyat bilan shug‘ullanish uchun tegishli litsenziyasining yo‘qligi aniqlangan.

Noks okrugi politsiyasi tergov ishlarini olib bormoqda.

Izoh
Asosiy yangiliklar
Mahalliy
O‘zbekistonda Italiyaning agrar sohaga oid universitetlari filiallari ochiladi
Dunyo
Rossiyada “Saroy to‘ntarishlari”ning boshlanishi, parvoz vaqtida portlab ketgan “Chellenjer” va general Vlasovning xoinligi. Kun xronologiyasida 28-yanvar
Mahalliy
O‘zbekiston va Qirg‘iziston fuqarolari ikki davlatga ID karta orqali o‘tishi mumkin bo‘ladi