2011-yilda fransiyalik muhandis va ekstremal sportchi Frenki Zapata suv ustida suv oqimi kuchidan foydalanib ucha oladigan flaybord qurilmasini yaratgan edi. Endi esa Frenkining kompaniyasi istalgan joyda parvoz qilishi mumkin bo‘lgan skeytbordni yaratdi. Bu haqda Big Picture xabar bermoqda.
Yangi qurilma Flyboard Air deb nom oldi, u to‘rtta gaz-turbina dvigateli o‘rnatilgan platforma bo‘lib, unda 150 metrgacha balandlikda soatiga 140 km tezlikda 6 daqiqa parvoz qilish mumkin.
Qurilma uchun yoqilg‘i uchuvchining yelkasidagi ryukzakda turadi, flaybordni esa simsiz joystik yordamida boshqarish mumkin, u qo‘lda tutiladi. Flaybord ag‘darilib ketmaydi — buni maxsus turg‘unlik tizimi ta’minlaydi.
Flaybordni Frenki Zapataning o‘zi sinovdan o‘tkazdi. Videoda uning poygachi sportkar bilan tezlik bo‘yicha musobaqalashayotganini va 166 km/soat tezlikka yetganini ko‘rish mumkin.
Izoh (0)