O‘zbekiston ta’lim muassasalariga qabul qilish bo‘yicha Davlat komissiyasi bayoniga muvofiq, 2018/2019-o‘quv yili uchun ikkinchi va undan keyingi oliy ma’lumot olishga ruxsat etilgan OTMlar ro‘yxati tasdiqlandi. Bu haqda Oliy va o‘rta maxsus ta’lim vazirligi axborot xizmati ma’lum qildi.
Oliy ta’lim muassasalarida ikkinchi va undan keyingi oliy ma’lumot olish uchun abituriyentlardan hujjatlar 20-iyuldan 20-avgustiga qadar qabul qilinadi. Ro‘yxatdan 51 ta ta’lim muassasasi o‘rin olgan.
Ikkinchi va undan keyingi oliy ma’lumot olmoqchi bo‘lgan shaxslar ta’lim muassasasining qabul komissiyasiga quyidagi hujjatlarni taqdim etadi:
- Ta’lim muassasasi rektori (direktori) nomiga ariza;
- Oliy ma’lumot to‘g‘risida davlat namunasidagi diplom (asl nusxasi) ilovasi bilan;
- 3,5 x 4,5 sm hajmdagi 6 dona fotosurat;
- 086-shakl bo‘yicha tibbiy ma’lumotnoma;
- Pasport va harbiy xizmatga aloqadorligi haqidagi hujjat nusxasi (shaxsan ko‘rsatiladi).
Izoh (0)