Farg‘ona viloyatining Dang‘ara tumanida 22-iyul kuni noma’lum haydovchi qora rangli Lacetti rusumli mashinani Toshkent ko‘chasida joylashgan “Mastona” bozori oldida haydab ketayotib, piyoda A.M.ni urib yuborib, voqea joyidan yashirindi. Bu haqda IIV jamoatchilik va OAV bilan aloqalar boshqarmasi xabar berdi.
Hodisa oqibatida A.M. jarohat olib, voqea joyida hayotdan ko‘z yumdi.
Avtomobilni qidirib topish va ushbu yo‘l-transport hodisasini sodir etgan noma’lum haydovchini aniqlash hamda ushlash choralari ko‘rilgan.
Mazkur hodisa haqida ma’lumotga ega bo‘lganlardan ichki ishlar organlarining hududiy bo‘limlariga murojaat qilish yoki 102 telefon raqamiga qo‘ng‘iroq qilib, xabar berish so‘ralgan.
Izoh (0)