2017-yili Rossiyaning Lipetsk viloyatiga 579 nafar o‘zbekistonlik ko‘chib borgan. Bu haqda Lipetsk viloyati Mehnat va bandlik boshqarmasi ma’lumotiga tayanib, Sputnik xabar bermoqda.
Viloyat ko‘chish bo‘yicha davlat dasturining kuchga kirganidan boshlab 12 yili davomida uzoq va yaqin xorijdan kelganlarni qabul qiladi, ularning orasida o‘zbekistonliklar ham bor.
Lipetsk viloyati Mehnat va bandlik boshqarmasining hisobotida keltirilishicha, 2017-yili O‘zbekistondan 579 kishi va ularning 1006 ta qarindoshi, Qozog‘istondan 405 kishi va ularning 900 ta qarindoshi, Tojikistondan 308 kishi, Ozarbayjondan 108 kishi va Qirg‘izistondan 73 kishi Lipetskka ko‘chib kelgan.
Ayni paytda mintaqada “Lipetsk viloyati aholisini sifatli uy-joy, ijtimoiy himoya va kommunal xizmatlar bilan ta’minlash” davlat dasturi amal qilmoqda. Bu yerga ko‘chib kelganlar ipoteka olishi mumkin. Shuningdek, o‘qituvchilar va yosh oilalarga imtiyozlar taqdim qilinadi. Buning uchun ko‘chib kelganlar Rossiya fuqaroligini olishi va yashash joyidan ro‘yxatdan o‘tishi lozim.
Izoh (0)