Kanadaning Toronto shahrida yuz bergan otishmada bir kishi halok bo‘ldi, 13 kishi jarohat olgan. Bu haqda shahar politsiyasi ma’lumotlariga tayanib,“RIA Novosti” xabar bermoqda.
Otishma Toronto shahrida 22-iyul, yakshanba kuni kechasi sodir bo‘lgan. Avvalroq 9 kishining jarohat olgani xabar qilingan. Ularning orasida kichkina qiz ham bor. Jarohat olganlarning holati haqida ma’lumot taqdim qilinmagan. Voqea tafsilotlari aniqlashtirilmoqda.
“Toronto politsiyasining rahbari Mark Sonders OAVga yangi ma’lumotlarni taqdim qildi. 14 kishi o‘q otadigan quroldan jarohat olgan. Ulardan biri bo‘lgan ayol jon bergan. Yana bir qizning holati o‘ta og‘ir deya baholanmoqda. Aybdor deb gumon qilinayotgan shaxs o‘lgan ”, — deya politsiyaning Twitter’dagi sahifasida ma’lum qilingan.
Izoh (0)