Kecha Xalq deputatlari Samarqand viloyat Kengashining 54-sessiyasi bo‘lib o‘tganligi to‘g‘risida xabar bergandik. Kun tartibida o‘nta masala ko‘rilgan sessiyada Samarqand viloyat hokimi vazifasini bajaruvchi etib tayinlangan Erkinjon Turdimov so‘zga chiqib, viloyatda amalga oshirilayotgan ishlar xususida o‘z fikrlarini bildirib o‘tdi, deya xabar bermoqda “Daryo” muxbiri Farhod Norbo‘tayev.
Avvalo bugungi sessiyaning tashkiliy masalalari uchun biz sizlardan uzr so‘raymiz. Chunki sessiya noto‘g‘ri tashkil etilgan. Bu kamchilikka tashkiliy nazorat guruhi javob berishi kerak.Umuman olganda, sessiyani o‘tkazish tartibi bor. Birinchidan, bu zalga (viloyat hokimligi kichik majlislar zali) sessiya o‘tkazish mumkin emas.Alohida katta zalda o‘tkazish kerak.
Ikkinchidan, bu yig‘ilishda hokim o‘rinbosarlari, ijro hokimiyati emas, komissiya rahbarlari, deputatlar o‘tirishi kerak. Tartib qoidali qilib sessiya o‘tkazsak men o‘ylaymanki to‘g‘ri bo‘ladi.
Bugungi sessiyadan shu narsa aniq bo‘layaptiki, bu sessiya nomiga sessiya. Biz deputatlarning ham faolligini oshirishimiz kerak. Hamma deputatlar jim. Sessiya bo‘lgan paytida ham jim. O‘ziga zo‘r kelgan payti o‘zining foydasi uchun ikki og‘iz chiroyli gapirib qo‘yishi ham noto‘g‘ri deb o‘ylayman.
Qo‘lidan kelgan odam deputat bo‘lishi kerak, deputat xalqning ishonchini, xalqning masalasini ijro hokimiyatining oldiga olib chiqishi kerak.
Xalqning muammosini ko‘tarib chiqish, deputatning obro‘si. Deputatni obro‘sini ko‘tarishimiz kerak. Deputatning deputat ekanligini xalq bilishi, uning minbari bo‘lishi lozim.
Har bitta deputat mahalliy televideniyelar orqali xalqga hisobot bersa, men o‘ylaymanki to‘g‘ri ish qilgan bo‘ladi. Odamlar savol bersin, deputat qanaqa masalalarni ko‘tarib chiqqanligi, kim deputatning aytganini qilmaganligi, deputat so‘rovini berganligi, deputat so‘rovi bo‘yicha qonun egalari nimalarni amalga oshirdi, ular nima qildi ushbu maslalar bo‘yicha ishlasak men o‘ylaymanki to‘g‘ri ish qilgan bo‘lamiz.
Erkinjon Turdimov, Samarqand viloyati rahbari
Izoh (0)