Bellhops yuk tashish kompaniyasi xodimi Uolter Karr mashinasi buzilib qolganidan keyin ish joyiga borish uchun 30 kilometrdan ortiq masofani piyoda bosib o‘tdi. Bu haqda BBC’ga tayanib, ForumDaily xabar bermoqda.
Uolter Karr yo‘lda uchratgan politsiyachi uning tirishqoqligiga tan bergan va birga nonushta qilishni taklif qilgan.
Karrning bu ishi internetda tez orda ommalashib ketdi va u ijtimoiy tarmoqlar yulduziga aylandi.
Karr ishlaydigan firma mijozi Jenni Lami u haqida Facebook sahifasida yozib qoldirgan. Jennining yozishicha, yuk tashuvchi firma xodimlari 13-iyul kuni soat 08:00 da uning uyiga kelishga va’da bergan. Shuning uchun, u va uning turmush o‘rtog‘i yuklarni tayyorlash uchun 13-iyul kuni barvaqt uyg‘ongan va soat 06:30 da Karr va politsiyachi ularning uyiga kirib kelgan. Politsiyachi Jenniga Karrning o‘z vaqtida yetib kelish uchun o‘nlab kilometrlarni piyoda bosib o‘tgani haqida so‘zlab bergan.
Jennining so‘zlariga qaraganda, Xoumvuddan Pelxemga kelish uchun Karr tuni bilan yurib, 32 kilometr masofani piyoda bosib o‘tgan.
Voqeadan xabar topgan Bellhops kompaniyasi ijrochi direktori Lyuk Marklin dam olish kunlarida Karr bilan tanishish uchun Tennessidan Alabamaga kelgan. Direktor Karrga Ford Escape mashinasini sovg‘a qilgan.
Karr ayni paytda kollejda sog‘liqni saqlash sohasi bo‘yicha tahsil oladi. U dekabrda o‘qishni tamomlagach, dengiz piyoda qo‘shinlarida xizmat qilmoqchi.
Karrning so‘zlariga qaraganda, u ish topishda juda ko‘p qiynalgan, shuning uchun ishdan haydalmaslik uchun qo‘lidan kelgan hammasini qilgan.
We've all seen the amazing story shared by Jenny about one of our bellhops, Walter Carr, but many have asked if we have any video from the moment CEO @LukeMarklin thanked Walter for the perseverance he demonstrated on his first day w/ @BellhopsMoving #TheWorldNeedsMoreWalters pic.twitter.com/mXrvI2JQoP
— Bellhop (@BellhopMoving) July 17, 2018
Izoh (0)