Federal antimonopol xizmati “Natsionalnaya media gruppa” yopiq aksiyadorlik jamiyatiga “Birinchi kanal” (Perviy kanal) aksiyalarini sotib olish haqidagi iltimosnomasini qanoatlantirdi, deb xabar beradi Tengrinews.
Hozirda “Birinchi kanal” (Perviy kanal) aksiyalarining 38,9 foizi Rossiya davlat mulkini boshqarish bo‘yicha agentlikka, 9,1 foizi “ITAR-TASS” ga, 3 foizi “Ostankino televizon texnik makazi”ga tegishli. Shuningdek oligarx Roman Abramovich kanal aksiyalarining 24 foiziga egalik qiladi. Biroq u may oyida Isroil fuqaroligini oldi. Qonun bo‘yicha ikki davlat fuqaroligiga ega shaxslar Rossiya OAVlarining 20 foiziga egalik qilishi mumkin.
“Natsionalnaya media gruppa” “REN-TV”, “Beshinchi kanal”, “Izvestiya” gazetasi, Discovery Channel hamda Eurosport kanallarining rus tilidagi versiyalarining aktivlariga egalik qiladi. Ushbu xoldingning direktorlar kengashi raisi sobiq gimnastikachi Alina Kabayeva hisoblanadi. U ushbu lavozimni 2014-yilda egallagan.
Izoh (0)