Toshkent shahrining Mirzo Ulug‘bek tumanida yashovchi Yevgeniya Chalix Nikolayevna 19-iyun kuni o‘zining 87 yoshini nishonladi. Bu haqda IIBB mabuot xizmati ma’lum qildi.
Shu yoshda ham u o‘zini tetik tutishga, jamiyatdagi yangilik va o‘zgarishlardan boxabar bo‘lib borishga harakat qiladi. Ammo birgina oyoq og‘rig‘i onaxonni bezovta qilib keladi. Shu sabab u anchadan beri biometrik pasport olish uchun ko‘chaga chiqolmayotgan edi.
Kunlardan birida televizor orqali qutqaruv xizmati haqidagi lavhani ko‘rib, qisqa raqamlarga qo‘ng‘iroq qilishga qaror qiladi. Toshkent shahar FVX tomonidan ushbu xabar tuman IIO FMBga, u yerdan Migratsiya va fuqarolikni rasmiylashtirish bo‘limiga yetkazildi.
Shu kunning o‘zida bo‘lim xodimlari Yevgeniya Nikolayevnani o‘zlariga olib kelib, navbatsiz biometrik pasport rasmiylashtirib berdi va uyiga olib borib qo‘ydi.
Izoh (0)