Tarmoqda Audi RS6 avtomobili haydovchisi o‘z mashinasini Rossiyaning Moskva viloyatidagi trassada 378 km/soat tezlikda boshqargani aks etgan video paydo bo‘ldi, deb yozmoqda “RIA Novosti”.
https://www.instagram.com/p/BlIDenwlrCJ/?utm_source=ig_embed
Rossiya qonunchiligiga ko‘ra, yengil avtomobillar uchun aholi yashash hududidan tashqaridagi ruxsat etilgan eng yuqori tezlik soatiga 90 kilometrni, avtomagistrallarda esa 110 kilometrni tashkil qiladi. Tezlikni soatiga me’yordan 80 kilometr va undan ko‘proqqa oshirganlik uchun besh ming rubl miqdorida jarima yoki haydovchilik huquqidan olti oygacha mahrum qilish jazosi belgilanadi.
Videoga izohlarda foydalanuvchilar avtomobil tezligini qiruvchi samolyot tezligi bilan solishtirgan. 1996-yilgacha foydalanilgan “Su-15” qiruvchisi soatiga 370 kilometr tezlikda uchgan.
Izoh (0)