Sirdaryoda havo haroratining keskin ko‘tarilishi oqibatida yuzaga kelishi mumkin bo‘lgan favqulodda holatlarning oldini olish va oqibatlarini bartaraf etish maqsadida viloyat hokimining farmoyishi qabul qilindi. Bu haqda viloyat hokimligi axborot xizmati ma’lum qildi.
Shuningdek, viloyat hokimi G‘ofur Mirzayev tashabbusi bilan yoshi ulug‘ insonlarning xolidan xabar olish, shifoxonalarda bemorlar uchun yaratilgan sharoitlarni o‘rganish hamda jismoniy nuqsoni bor, og‘ir betobligi tufayli yotib qolgan, ijtimoiy ko‘makka muhtojlar, mehribonlik uylari tarbiyalanuvchilari xolidan xabar olinmoqda.
Ularga viloyat mahalliy budjeti va homiylik mablag‘lari hisobiga sovitish moslamalari (ventilyator, konditsioner) olib berilmoqda. Bunday xayrli ishlar tuman va shaharlarda boshlab yuborildi.
Izoh (0)