O‘zbekistonda yangi mavsumda qo‘lda terilgan 1 kilogramm paxta uchun 700 so‘m haq to‘lanishi mumkin. Bu Normativ-huquqiy hujjatlar loyihalari muhokamasi portalida joylashtirilgan “2018 yil hosili paxta xom ashyosini yig‘ib-terib olish bosqichlarida mehnatga haq to‘lash tarif stavkalarini tasdiqlash to‘g‘risid”gi hukumat qarori loyihasida nazarda tutilgan, deya xabar beradi “Xalq so‘zi”.
Unga ko‘ra, joriy yili qo‘lda terilgan 1 kilogramm paxta uchun to‘lanadigan mehnat haqini birinchi bosqichda 700 so‘m, ikkinchi bosqichda 800 so‘m etib belgilash taklif qilingan.
Shuningdek, mashinada terilgan paxta xomashyosining 1 tonnasi uchun 350 000 so‘mdan xizmat haqi to‘lash to‘g‘risidagi taklifi ham o‘rtaga tashlangan.
2017-yilda qo‘lda terilgan 1 kilogramm paxta xom ashyosi uchun to‘lanadigan mehnat haqi birinchi bosqichda 450 so‘mni (keyinchalik 500 va 700 so‘mgacha oshirilgan) tashkil qilgan. Shuningdek, mashinada terilgan paxta xomashyosining 1 tonnasi uchun 260 000 so‘mdan xizmat haqi to‘langandi.
Izoh (0)