Oliy Majlis Qonunchilik palatasi deputati Akmal Umirzoqov kontraktlar narxining ko‘tarilishiga o‘zining Facebook’dagi sahifasi orqali munosabat bildirdi. Bu haqda huquqshunos, bloger Xushnudbek Xudoyberdiyev o‘zining Telegram kanalida ma’lum qildi.
O‘zgargan kontrakt, sendan bir o‘tinch, endi oshma. Oshsang shundoq ham 8 foiz talaba bo‘lgan 600 000 yoshlar o‘qishga qiynaladi. Seni o‘zi kim belgilaydi, belgilashda qaysi mezonlar inobatga olinadi-a? Oliy Majlisniyam oshirishdan oldin fikrini olmabsan-da. Oliy Majlisni fikrini nima qizig‘i bor aslida. Bitta KabMin qarori qonundanam ulug‘-ku.Xushnudbek Xudoyberdiyevning izohlashicha, deputat post so‘ngida keltirgan misolida katta ehtimol bilan o‘zini nazarda tutmoqda. Chunki Akmal Umirzoqov Toshkent davlat yuridik instituti, Glazgo universiteti va Yaponiyaning Sukuba universitetida tahsil olgan.Bu ilm degani anqoni urug‘i-yu, faqat saralanganlar tahsil oladimi? Maqsad puli borga tahsil olish imkonini berishmi?
O‘qimoqchimish, nima, dunyoni oberarmiding?!
O‘qigan anu qo‘shnini bolasimi?! Uchta diplomi bor, ikkitasini dunyoning TOP 100 universitetidan olgan. Hozir post yozib o‘tiribti. Ungayam qiyin.
Akmal Umirzoqov, Oliy Majlis Qonunchilik palatasi deputati
Izoh (0)