Kecha, 8-iyul sanasida futbol bo‘yicha O‘zbekiston Pepsi Superligasi bahslarining 16-turiga start berildi.
Kun taqvimidan uchta uchrashuv olgandi.
Ulardan birinchi Toshkentda “Paxtakor” hamda “Buxoro” jamoalari o‘rtasida kechdi. Tigao Bezerra va Vladimir Kozakning gollari sabab “sherlar” navbatdagi 3 ochkoni qo‘lga kiritdi va musobaqa peshqadamligini yanada mustahkamlab oldi.
Kunning ikkinchi o‘yini Olmaliqda AGMK hamda Farg‘onaning “Neftchi” jamoalari o‘rtasida bo‘lib o‘tdi. Uchrashuvda jangovar 2:2 hisobi qayd etildi. Avvaliga AGMK Yovan Jokichning penaltini aniq amalga oshirgani sabab hisobni ochgan bo‘lsa, “Neftchi” ikkinchi bo‘lim avvalida 2 ta to‘p kiritib hisobda oldinga chiqib oldi. Ammo o‘yinning 87-daqiqasida Zafar Polvonov gol kiritib, hisobni 2:2 bo‘lishini ta’minladi.
Bu natijadan so‘ng AGMK 14 ochko bilan 10-o‘rinda, “Neftchi” esa 7 ochko bilan hamon so‘nggi pog‘onada.
Kunning so‘nggi o‘yinida Qarshida “Nasaf” “Navbahor”ni qabul qildi. 21-daqiqada Sharof Muhiddinov mezbonlarni hisobda oldinga olib chiqqan bo‘lsa, 67-daqiqada Sardor Sulaymonov hisobni tenglashtirdi. O‘yin esa tomonlarning 1:1 hisobidagi durang natijasi bilan yakunlandi.
Durangdan so‘ng “Nasaf” 19 ochko bilan 7-o‘rinda bo‘lsa, “Navbahor” esa 28 ochko bilan 2-o‘rinda.
Pepsi Superliga
16-tur uchrashuvlari
8-iyul, yakshanba
Izoh (0)