7-iyul kuni Sirdaryo viloyatida yuz bergan yo‘l-transport hodisasi oqibatida O‘zbekiston Oliy Majlisi Qonunchilik palatasi deputati Sobit Tursunov halok bo‘ldi. Bu haqda Oliy Majlis Qonunchilik palatasi matbuot xizmati “Daryo”ga ma’lum qildi.
Sobit Tursunov Samarqand viloyatiga xizmat safariga ketayotgan edi.
U O‘zbekiston Ekologik harakati deputatlar guruhi vakili hamda Sanoat, qurilish va savdo masalalari qo‘mitasi a’zosi edi.
Qayd etilishicha, Sobit Tursunov 1973-yilning 10-iyul kuni Samarqand viloyati Jomboy tumanida tavallud topgan.
U 1994-yilda Samarqand qishloq xo‘jalik institutini, 2012-yili O‘zbekiston Respublikasi Prezidenti huzuridagi Davlat va jamiyat qurilishi akademiyasini tamomlagan.
Izoh (0)