O‘zbekiston Bosh vaziri o‘rinbosari, Xotin-qizlar qo‘mitasi raisi Tanzila Norboyeva Kattaqo‘rg‘onda IIB xodimi tomonidan tahqirlangan ayol xonadoniga keldi. Bu haqda “Daryo” muxbiri Farhod Norbo‘tayev xabar bermoqda.

Foto: “Daryo”

Tanzila Norboyevaga viloyat hokimining o‘rinbosari, viloyat xotin-qizlar qo‘mitasi raisi Hamrotosh Shodiyeva va boshqa mutasaddilar hamrohlik qilmoqda.

Foto: “Daryo”

Ular jabrdiyda ayol, uning yashash sharoiti bilan yaqindan tanishdi. Yuz bergan holat tafsilotlarini bevosita o‘zidan tingladi.

Foto: “Daryo”

Kattaqo‘rg‘onlik ayol xonadonida qarov va ta’mirlash ishlari boshlab yuborildi.

Foto: “Daryo”

Bosh vazir o‘rinbosarining Kattaqo‘rg‘onga kelishi bilan bog‘liq voqealar rivoji muxbirimiz tomonidan kuzatib borilmoqda.

Foto: “Daryo”

Eslatib o‘tamiz, oldinroq Tanzila Norboyeva ikki bor ijtimoiy tarmoqda Kattaqo‘rg‘ondagi hodisaga munosabatini bildirgandi.