5-iyul, payshanba kuni Meksikaning Mexiko shtatida joylashgan Tultepek shahrida pirotexnika ishlab chiqarish bo‘yicha ustaxonalar portlab ketdi, oqibatda 24 kishi halok bo‘ldi, deb yozadi “TASS” hudud ma’murlariga tayanib.
Tultepekda jami to‘rtta portlash yuz bergan. Qurbonlar orasida bir nafar voyaga yetmagan shaxs ham bor. Shuningdek, 49 kishi jabrlangan.
Hodisa yuz bergan tumanda feyerverklar ishlab chiqarishga rasman ruxsat berilgan.
Portlashlardan biri voqea joyiga shifokorlar, politsiya xodimlari va qutqaruvchilar yetib kelganidan keyin sodir bo‘lgani tufayli, qurbonlar orasida bir necha o‘t o‘chiruvchi va politsiyachilar ham bor.
Meksika prezidenti Enrike Penya Nyeto qurbonlarning oilalariga hamdardlik bildirib, jabrlanganlarga tezroq sog‘ayishni tiladi.
Izoh (0)