Kun fotosi: Orolga suv qaytdimi?

Yaqinda internetda paydo bo‘lgan Orol dengizi suratlarida Orolning O‘zbekistonga tegishli qismi kattalashganini ko‘rish mumkin, deb yozadi “Anhor”.

Orolni qutqarish xalqaro fondi agentligi direktori Vadim Sokolov vaziyatga o‘z izohini berdi.

“Gap shundaki, 2015 va 2017-yillarda suv mo‘l bo‘ldi. Ko‘korol to‘g‘oni (Qozog‘istonda joylashgan) Sirdaryo orqali kelgan suvning hammasini ham ushlab tura olmadi va uni qo‘yib yuborishga majbur bo‘ldi. Xuddi shu narsani biz (O‘zbekistonda) Amudaryo bilan qildik — faqat 2017-yilning iyun-avgustida Orolning markaziy qismiga qariyb 6 kub km suv qo‘yib yubordik. Bu chora noilojlikdan qilindi, aks holda qishloqlar suv ostida qolardi. Mejdurechensk suv ombori inshootlari hali qurib bo‘lingani yo‘q. Bu yil suv taqchil, Orolga suv oqizilmayapti, u yana bug‘lanib ketadi. Shunday ekan, Orolning qayta tiklangani haqida gapirishga hali erta. Suratlarda 2014-yil aprelida — dengiz eng minimal nuqtada bo‘lgan vaqt va 2018-yil iyunida — maksimal nuqtadagi holat aks etgan. 2019-yil aprelida esa manzara 2014-yil aprelidagidek bo‘lishi ehtimoli yuqori”, — dedi ekspert.

The #Aral #Sea was once a large endorheic lake between #Kazakhstan and #Uzbekistan . These two #PROBAV images (15 April 2014 – 15 June 2018) shows the gradual Southern #Aral #Sea increase from being nearly dry to having a substantial size again. See: https://t.co/AnJh3pvN2W pic.twitter.com/dSCYmIkDFF

— ESA Earth Online (@ESA_EarthOnline) July 3, 2018