6-iyul kuni Yer Quyoshdan maksimal darajada uzoqlashadi

Bugun, 6-iyul kuni Yer sayyorasi afeliy — o‘z orbitasining Quyoshdan eng uzoq nuqtasidan o‘tadi, deb yozadi Hi-Tech Mail.Ru. Ammo biz buni ko‘rmaymiz ham, sezmaymiz ham, deyishmoqda astronomlar.

Olimlar hisob-kitoblariga ko‘ra, Yer Toshkent vaqti bilan 21:46 da o‘z orbitasining Quyoshdan eng uzoq nuqtasiga yetadi. Bu masofa 152 095 566 kilometrga teng. Afeliyda bo‘lish — Quyoshning ko‘rinadigan diametri eng kichik bo‘lishi demak.

Yer afeliyda Quyoshdan perigeliy (Yer orbitasining Quyoshga eng yaqin nuqtasi)ga nisbatan 5 million kilometr uzoqroqda joylashishi tufayli, Quyosh diskining ko‘rinadigan hajmi afeliyda perigeliyga nisbatan kichikroq bo‘ladi. Ammo bu farq ko‘zga tashlanmaydi, chunki disk hajmining o‘zgarishi yarim yil davomida asta-sekinlik bilan yuz beradi.