Samarqand viloyat IIB matbuot xizmati 4-iyul kuni “Ozodlik” radiosi sayti tomonidan tarqatilgan “Kattaqo‘rg‘on militsiya bo‘limiga olib kelingan ayollar qip-yalang‘och qilib tahqirlandi” nomli videoxabarga munosabat bildirdi.
Sayt bu voqea 3-iyun kuni Samarqand viloyat Kattaqo‘rg‘on shahar IIB binosida bo‘lgani, ayolni yechinishga majburlagan shaxs esa IIB Jinoyat-qidiruv bo‘limi tergovchisi San’at Umarov ekanini yozadi.Viloyat IIB holat yuzasidan xizmat tekshiruvini boshlagan bo‘lib, noqonuniy xatti-harakat qilgan xodimlar aniqlanib, ularga nisbatan qonuniy choralar ko‘riladi hamda natijasi yuzasidan OAVlariga xabar beriladi.
Biroq shuni alohida ta’kidlash lozimki, voqea Tergov bo‘limida yoki aynan tergovchi tomonidan sodir etilmagani aniq. Xususan, viloyatda San’at Umarov ismli tergovchi yo‘q, videoda aks etgan bino ham Tergov bo‘limining binosi emas.
Samarqand viloyati IIB “Daryo”ga taqdim qilgan axborotidan
Izoh (0)