AQShdagi Ozodlik haykali supasiga bir ayol chiqib olganidan keyin, politsiyachilar Ozodlik orolidan sayyohlarni evakuatsiya qildi, deb yozadi Forum Daily.
Videoda supaning pastki qismida yotib olgan odamni payqash mumkin. U vaqti-vaqti bilan qimirlab, qo‘lidagi futbolkasini silkitadi yoki qorni bilan yotib olib, oyoqlarini qimirlatadi.
Politsiyachilar zinadan ko‘tarilib, ayol bilan suhbatlashgan, bu paytda esa tashrifchilarni paromda oroldan olib keta boshlashgan.
“Odatda bu hafta (AQSh mustaqillik kuni to‘g‘ri keladigan hafta) biz uchun yilning eng band haftasi hisoblanadi, — dedi Milliy bog‘larni qo‘llab-quvvatlash xizmati vakili Jerri Uillis. — Bu vaqtda orolga kuniga 4000—4500 kishi tashrif buyuradi. Bizda evakuatsiya rejasi bor, shu sababli sayyohlar hech qanday ko‘ngilsizliklarga duch kelmadi”.
Izoh (0)