Instagram foydalanuvchilari rossiyalik estrada artisti Maksim Galkin tomonidan e’lon qilingan o‘z rafiqasi — 69 yoshli SSSR xalq artisti Alla Pugachyovaning fotosuratini qizg‘in muhokama qilmoqda, deb yozadi “MK.ru”.
Galkinning o‘zi suratda hech qanday filtrlardan va fotoshoplardan foydalanmaganini qayd etdi. Uning qo‘shimcha qilishicha, u Pugachyovani har kuni shunday tabiiy holatda ko‘radi va shu holicha sevadi.
Fotosurat turli fikrlarni keltirib chiqardi. Ba’zilar Alla Borisovna ich-ichidan go‘zal ayol ekanligini, u baxtdan porlayotganligini yozgan bo‘lsa, boshqalar bunday suratni ijtimoiy tarmoqlarga joylab bo‘lmasligini, uni ko‘rganidan esa pushaymon ekanligini qayd etgan.
Izoh (0)