Davlat soliq qo‘mitasi tashabusi bilan Bosh prokuratura, Bosh prokuratura huzuridagi departament, Majburiy ijro byurosi, Oliy Sud va Moliya vazirligi bilan hamkorlikda “Soliq qarzining paydo bo‘lish sabablari, to‘lovlarning amalga oshirilishida uchrayotgan muammolar va ularni hal etish yo‘llari” mavzusidagi “Ochiq eshiklar kuni” bo‘lib o‘tdi. Bu haqda qo‘mita matbuot xizmati ma’lum qildi.
Unda 925 ta korxona vakillari va 118 nafar jimoniy shaxs, jumladan, Davlat soliq qo‘mitasining markaziy studiyasida Toshkent shahar va Toshkent viloyatidan ro‘yxatdan o‘tgan soliq qarzi mavjud 275 korxona va 118 nafar jismoniy shaxs, hududlardagi studiyalarda 650 korxona mutasaddilari va jismoniy shaxslar faoliyatida uchrayotgan muammolar muhokama etildi.
Tadbirda byudjetdan moliyalashtiriladigan 211 ta korxonaning 44,5 milliard so‘m soliqdan qarzi undirilmasdan turganligi muhokama etilib, tasdiqlangan harajatlar smetasini qayta ko‘rib chiqilishi bo‘yicha Moliya vazirligiga takliflar kiritilishi belgilab qo‘yildi.
Bundan tashqari, qurilish faoliyati bilan shug‘ullanuvchi 308 ta korxonaning 69,5 milliard so‘m soliq qarzini undirishda Vazirlar Mahkamasiga taklif kiritilishi belgilandi.
20 dan ortiq korxona va tashkilot rahbarlarining mavjud muammolari muhokama jarayonida o‘z yechimini topdi.
Vazirlik va idoralarning soliq qarzini qisqartirishda uchrayotgan muammolar tizimdagi korxonalar kesimida muhokama etilib, to‘lovlarni amalga oshirilishida aniq muddatlar belgilab olindi.
Izoh (0)