Toshkent shahridagi muayyan yashash joyiga ega bo‘lmagan shaxslarni reabilitatsiya qilish markaziga OAV vakillari tashrifidan so‘ng ushbu mavzuga qiziqish bildirilgan ko‘plab xat va murojaatlar olindi. Bu haqda IIBB matbuot markazi ma’lum qildi.
Markazda vaqtincha bo‘lib turgan shaxslar uchun moddiy va ma’naviy yordam juda muhim. Bundan tashqari, Toshkent shahar IIBB bu yerda ko‘ngilochar tadbirlar, psixologik mashg‘ulotlar o‘tkazish bo‘yicha takliflarni ko‘rib chiqishga tayyor.
Shuningdek, muruvvat tariqasida ayollar va erkaklar kiyimlari va kundalik ehtiyoj uchun zarur bo‘lgan mahsulotlar, gigiyena vositalari (sovun, shampun, kir yuvish kukuni, tish pastasi, taroq, sochiq), oziq-ovqatlar qabul qilinadi.
Markaz manzili: Toshkent shahri, Yashnobod tumani, Chashma ko‘chasi, 3-uy.
Toshkent shahar IIBB va Muayyan yashash joyi bo‘lmagan shaxslarni reabilitatsiya qilish markazi shu kunlarda markazdagi shaxslar uchun yordam qo‘lini cho‘zayotgan barchaga minnatdorchilik bildiradi.
Izoh (0)