Rossiya O‘zbekistonga 28 ming dollarni o‘g‘irlaganlik uchun qidirilayotgan firibgarni topshirdi
Rossiya O‘zbekistonga respublika huquq-tartibot organlari tomonidan firibgarlik uchun qidirilayotgan 42 yoshli Murodjon Rasulxo‘jayevni ekstraditsiya qildi, deb yozadi “Podrobno”.
“Rasulxo‘jayev 2010-yil apreli boshida Toshkentda turib, begona odamning mulkini egallab olish maqsadida boshqa bir shaxs bilan til biriktirganlikda va chet eldan dori vositalarini yetkazib berish bo‘yicha tadbirkorlik faoliyati bilan birgalikda shug‘ullanish bahonasida, o‘ta yirik miqdordagi pul mablag‘larini aldov yo‘li bilan o‘g‘irlab ketganlikda ayblanmoqda. Gap 28 ming dollar pul haqida bormoqda”, — deyishdi Rossiya Bosh prokuraturasida.
Erkak, shuningdek, o‘z tanishlaridan birining o‘limiga sababchi bo‘lgan. Safarlardan birida u “UAZ” avtomobilidan noqonuniy ravishda o‘qotar qurolga aylantirilgan “Vulkan-M” ov karabinini olib, o‘z tanishiga o‘q uzgan, u yetkazgan jarohat o‘limga olib kelgan.
Davlatlararo qidiruvda bo‘lgan Rasulxo‘jayev 2017-yil sentabrida Moskvada huquq-tartibot organlari tomonidan qo‘lga olingan. Rossiya Bosh prokuraturasi uni topshirish haqida qaror qabul qilgan.
