Hukumat qarori bilan 2018—2019-yillarda Samarqand viloyatini kompleks rivojlantirish chora-tadbirlari dasturi tasdiqlandi. Bu haqda Adliya vazirligi ma’lum qildi.
Qabul qilingan dastur quyidagilarni o‘z ichiga oladi:
Sanoatni rivojlantirish bo‘yicha tadbirkorlik loyihalari manzilli ro‘yxati;
Qishloq xo‘jaligining asosiy tarmoqlarini rivojlantirish bo‘yicha tadbirkorlik loyihalarining manzilli ro‘yxati;
Xizmatlar va servis sohasini rivojlantirish bo‘yicha tadbirkorlik loyihalarining manzilli ro‘yxati;
Muhandislik-kommunikatsiya tarmoqlari va irrigatsiya tizimini yanada rivojlantirish tadbirlari;
Ichimlik suvi va oqova suv tarmoqlarini yanada yaxshilash tadbirlari;
Ta’lim, sog‘liqni saqlash, madaniyat, sport va boshqa ijtimoiy soha obyektlarini qurish, rekonstruksiya qilish hamda mukammal ta’mirlash tadbirlari.
Dastur doirasida sanoatni rivojlantirish bo‘yicha qiymati 4 milliard so‘mdan ortiq bo‘lgan 203 ta, qishloq xo‘jaligini asosiy tarmoqlarini rivojlantirish bo‘yicha qiymati 1 milliard so‘mdan ortiq bo‘lgan 130 ta loyiha amalga oshiriladi.
Izoh (0)