Sharq ayollari haqida o‘tmishdan saqlanib qolgan stereoptiplar bugungi kunda anchagina o‘zgardi. “Shok inform” ana shu o‘zgargan stereotiplarga misol sifatida arab shayxlarining rafiqalariga e’tibor qaratdi.
Shayx Xaya Bin Husayn al-Maqtum
Dubay hukmdori Shayx Muhammad al-Maqtumning ikkinchi rafiqasi Shayx Xayaning kelib chiqishi qirollik avlodidan. Uning otasi — Iordaniya qiroli. U Oksfordda ta’lim olgan, qirollik marosimlaridan birida Shayx Muhammad al-Maqtumga tanishtirilgan va bir necha oydan keyin uning rafiqasiga aylangan.
Shayxning rafiqasi ikki nafar bola ko‘rgan. U o‘zining onalikka bag‘ishlamagan va faol ravishda jamoat ishi bilan shug‘ullanadi. U tomonidan amalga oshirilgan loyihalardan biri ona vatani Iordaniya uchun ochlikka qarshi kurash jamg‘armasini tuzgani bo‘ldi. Shayx Xaya Yevropa uslubida kiyinadi, tez-tez dunyoviy tadbirlarga borib turadi.
Saudiya Arabistoni qirolichasi Fotima Kulsum Zoxar
Qirolicha haqida juda kam ma’lumot bor. U juda oddiy oilada tug‘ilgan, Dubay xalqaro kollejida o‘qigan, keyin esa ar-Riyoddagi qirol Saud universitetini tugatib, yuristlik kasbini egallagan. Qanday qilib oddiy qiz qirolning e’tiborini tortib, uning rafiqasiga aylangani haligacha noma’lum.
Shayx Moza Bin Nosir al-Misned
Qatarning sobiq amiri Hamad bin Xalifa at-Taniyning ikkinchi rafiqasi va amaldagi hukmdorning onasi nafaqat xayriya ishlari bilan shug‘ullanadi, balki siyosiy hayotda faol ishtirok etadi. Shayx Moza YuNESKOning maxsus murojaatchisi hisoblanadi, bir qator davlat va xalqaro lavozimlarni egalik qiladi, hatto Britaniya imperiyasi ordenining qo‘modon xonim unvoniga ega.
Yetti nafar farzandning onasi moda olamida mashhur hisoblanadi. U mamlakat an’analariga hurmat bajo keltirgan holda, kamtarona kiyinadi, biroq bunda jahon modasi tendensiyalariga qat’iy muvofiqlikni saqlaydi.
Iordaniya qirolichasi Raniya al-Abdulla
Iordaniya qiroli Abdulla ibn al-Husayn al-Hoshimiyning rafiqasi va taxt merosxo‘ri shahzoda Husaynning onasi Raniya dunyodagi eng mashhur sharq qirolichasi hisoblanadi. U Yaqin Sharqdagi inson huquqlari faoli va ayollarning otasi va eri fikridan qat’i nazar o‘z kompaniyasini ochishi uchan kurashadi. Shuningdek, u Iordaniya armiyasi polkovniki unvoniga ega.
Saudiya Arabistoni malikasi Amira at-Tavil
Amira at-Tavil Saudiya Arabistonida an’anaviy jamiyat asoslarini buzuvchi deb ataladi. Bu malikani umuman tashvishga solmaydi. Turmushga chiqquniga qadar u AQShdagi Nyu-Heyven universitetini tamomlagan, biznes boshqaruvi sohasida ilmiy darajaga ega, xalqaro haydovchilik guvohnomasini olgan. Mashinasini shaxsan o‘zi boshqaradi. Turmush qurganidan keyin bir necha yil o‘tgach u eri bilan ajrashgan. Amiraning aytishicha, eri undan tezroq bolalarni dunyoga keltirishni talab qilgan, u esa o‘zini ona rolida ko‘ra olmagan. Ajrimdan keyin uning eri boshqa uylanmadi, ular tez-tez uchrashib turishadi va do‘st bo‘lib qolishgan hamda hamkorlikda xayriya tadbirlarini o‘tkazadi.
Ayni paytda malika 33 yoshda, Saudiya Arabistonida va butun dunyoda keng qamrovdagi gumanitar muammolarni hal qilish bilan shug‘ullanadi.
Izoh (0)