Bosh prokuratura Gulnora Karimovaga tegishli pullarni Shveysariyadan O‘zbekistonga qaytarish bo‘yicha muzokaralar olib borilayotganini tasdiqladi. Bu haqda “Podrobno.uz” xabar bermoqda.
“Hozirda bu masala Shveysariya prokuratura organlari bilan hamkorlikda ko‘rib chiqilmoqda. Uzil-kesil yakuniga yetishi bilan rasmiy bayonot beramiz”, — dedi Bosh prokuratura matbuot kotibi Surayyo Rahmonova.
Oldinroq OAV Gulnora Karimovaga tegishli bo‘lgan va Shveysariya banklarida muzlatib qo‘yilgan 800 million frank (810 million dollar) Toshkentga qaytarilishi masalasi deyarli ijobiy hal etilganini ma’lum qilgandi.
Izoh (0)