Rossiya Federatsiyasi traktorsozlik zavodining O‘zbekistondagi dileri Road building technics korxonasi B10M buldozerini yig‘ishni boshladi, deb yozadi “Carzone.uz”. Korxona yil davomida Chelyabinsk traktor zavodi traktorlarining butun boshli partiyasini yig‘ishni rejalashtirmoqda.
Shartnomaga ko‘ra ikki turdagi mexanik transmissiyali B10M va T10MB traktorlari tayyorlanadi. Eng birinchi yig‘ilgan mashina neft-gaz sanoatiga sotildi.
O‘zbekistonning traktorsozlik bo‘yicha ishlab chiqarish bazasi mavjud, tajribali mutaxassislari bor. Hozir o‘zbek korxonasi yig‘ish texnologiyasini takomillashtirmoqda va sertifikatsiya masalalarini hal qilmoqda. Shundan so‘ng traktorga maxsus yorliq qo‘yiladi va u O‘zbekiston-Rossiya mahsulotiga aylanadi. Bu texnika import hisoblanmaydi hamda xalqaro tender va tanlovlarda O‘zbekistonning milliy mahsuloti deb taqdim etiladi.
Chelyabinsk traktor zavodi Belarus, Ukraina, Qozog‘iston va Qirg‘izistonda yig‘iladi. Bu davlatlar qatoriga O‘zbekiston beshinchi bo‘lib qo‘shildi.
Izoh (0)