Markaziy Osiyo yoshlar forumining uchinchi kunidagi ilk konferensiya “Yoshlarning ilm-fan va ta’lim rivojidagi o‘rni” mavzusida bo‘lib, unda Kozog‘iston yoshlar siyosati departamenti direktor o‘rinbosari Lira Raisova so‘zga chiqdi. Bu haqda “Daryo”ga Yoshlar media markazi ma’lum qildi.
— Bugun ilm-fan, texnologiya va turizm sohalarida fikr almashishga hamda yoshlarning o‘quv jarayonida yuzaga keluvchi muammolarni hal yetish yo‘llari bo‘yicha takliflar bildirdik, — dedi qozog‘istonlik ekspert. — Undan tashqari, talabalar o‘zga davlatlarda bilim va ko‘nikma egallashi hamda almashinishi bo‘yicha suhbatlashdik. Talabalarimiz ushbu loyihani amalga oshirishlari uchun imkon yaratiladi. Anjumanda Markaziy Osiyo davlatlari o‘rtasida robototexnika tanlovini o‘tkazish fikri o‘rtaga tashlandi. Ayniqsa, Turkmaniston vakilining “Startapiston” loyihasini tashkil etish taklifi alohida etiborga loyiq. Shu bilan birga, bizning Qozog‘iston vakillari ilgari surgan “Ostonatap” loyihasini yo‘lga qo‘yish taklifi ham barchaga manzur bo‘ldi. Menda mazkur forumdan so‘ng O‘zbekiston tajribasidan kelib chiqqan holda Qozog‘iston hududida Markaziy Osiyo yoshlar forumini tashkillashtirishni prezidentimizga taklif etish niyati paydo bo‘ldi.
Maxtumquli nomidagi Turkmaniston yoshlar tashkiloti vakili Abdulla Annaberdiyev “Hududda ijtimoiy -iqtisodiy rivojlanish” mavzusida nutq so‘zladi. Turkmanistonprezidenti va xalqi nomidan yuqori saviyada o‘tayotgan ushbu forumga taklif etilgani va qatnashish imkoniyati berilgani uchun minnatdorchilik bildirdi.
Markaziy Osiyo yoshlar forumi o‘z ishini davom ettirmoqda.
Izoh (0)