Surxondaryoda salondan avtomobilini vaqtida ololmagan fuqaro iste’molchilar jamiyatiga shikoyat qildi

O‘zbekiston iste’molchilar huquqlarini himoya qilish jamiyatlari federatsiyasi Surxondaryo viloyati bo‘limi fuqarolardan kelib tushgan ariza va shikoyatlar vaqtida ijobiy hal etilmoqda. Bu haqda O‘zA xabar berdi.

Sho‘rchi tumanida istiqomat qiluvchi fuqaro Sh.Elmurodova joriy yil fevral oyida “Surxondaryoavtotexxizmat” MChJga Lasetti avtomobili uchun 124 million so‘m to‘lov qiladi.

Shartnoma muddati tugaganiga bir oy bo‘lgan bo‘lsa-da, mashinasini ololmayotganidan norozi bo‘lgan fuqaro O‘zbekiston iste’molchilar huquqlarini himoya qilish jamiyatlari federatsiyasining “Ishonch” telefoniga murojaat qildi.

Ushbu masala Termiz shahar jamiyati xodimlari tomonidan o‘rganildi. Qisqa muddatda muammo iste’molchi foydasiga hal etildi.