JCh—2018. Braziliya Serbiyani mag‘lub etib, guruhda birinchi bo‘ldi, Shveysariya esa Kosta-Rika bilan durang o‘ynab, pley-offga chiqdi
Hozirgina futbol bo‘yicha Rossiya maydonlarida bo‘lib o‘tayotgan Jahon Chempionati “E” guruhida so‘nggi tur o‘yinlari yakunlandi.
Jahonning besh karra chempioni bo‘lgan Braziliya guruhdan chiqish uchun Serbiya bilan kurash olib bordi. Uchrashuvda hisob 36-daqiqada Paulinyo tomonidan ochildi. Ikkinchi bo‘limning 68-daqiqasida Tiago Silva Neymarning uzatmasini golga aylantirib o‘yinga yakuniy nuqtani qo‘ydi.
Guruhning ikkinchi uchrashuvi esa Shveysariya hamda Kosta-Rika jamoalari o‘rtasida kechdi. O‘yinda 2:2 hisobidagi jangovar durang natijasi qayd etildi.
“E” guruhidan Braziliya 7 ochko bilan 1-o‘rinda, Shveysariya esa 5 ochko bilan 2-o‘rinda 1/8 finalga yo‘llanmani qo‘lga kiritdi. Serbiya esa 3 ochko bilan guruhda uchinchi bo‘ldi. Kosta-Rika esa mundialni 1 ochko bilan yakunladi.
Jahon Chempionati
“E” guruhi, 3-tur bellashuvlari
27-iyun, chorshanba
Serbiya—Braziliya 0:2
Gollar: 0:1—36 Paulinyo, 0:2 — 68 Tiago Silva.Serbiya: Stoykovich, Rukavina, Milenkovich, Velkovich, Kolarov, Milinkovich-Savich, Matich, Tadich, Lyayich (Jivkovich, 75), Kostich (Radonich, 82), Mitrovich (Yovich, 89).
Braziliya: Alisson, Fagner, Tiago Silva, Miranda, Marselo (Filipe Luis, 10), Paulino (Fernandinyo, 66), Kazemiro, Koutinyo (Renato Augusto, 80), Villian, Gabriel Jezus, Neymar.
Ogohlantirishlar: Lyayich (33), Matich (48), Mitrovich (70).
Shveysariya—Kosta-Rika 2:2
Gollar: 1:0—31 Jemaili, 1:1—56 Uatson, 2:1—88 Drmich, 2:2—90+2, avtogol Zommer.Shveysariya: Zommer, Lixtshtayner, Sher, Akanji, Rodriges, Bexrami (Zakariya, 60), Jaka, Shakiri (Lang, 81), Jemaili, Embolo, Gavranovich (Drmich, 69).
Kosta-Rika: Navas, Akosta, Gonsales, Uoston, Gamboa (Smit, 90), Borxes, Gusman (Asofeyfa, 90), Ovyedo, Kolindres (Uolles, 81), Ruis, Kempbell.
Ogohlantirishlar: Gamboa (11), Kempbell (29), Lixtshtayner (37), Zakariya (75), Sher (83), Uoston (89).
