Tojikiston telegraf agentligining ma’lum qilishicha, 52 foiz tojik oilalarining a’zolari hech bo‘lmaganda bir marta ishlash uchun xorijga chiqqan, deb yozadi EADaily.
Ijtimoiy so‘rovning mazkur natijalarini Dushanbedagi “Sharq” tadqiqot markazi direktori Saodat Olimova Orenburgda bo‘lib o‘tgan xalqaro ekspert maydonchasida ma’lum qildi. Olimova, shuningdek, hozirda 38 foiz uy xo‘jaligi o‘z mamlakatidan tashqarida bir yoki bir nechta ishchiga ega ekanligini ta’kidlab o‘tdi.
Mintaqalarning transport imkoniyatlari va iqtisodiy ahvolini hisobga olganda Tog‘li Badaxshon avtonom viloyatidan migratsiya, odatda, uzoq muddatli (2 yildan ortiq muddat), So‘g‘d, Xatlon viloyatlarida va respublika bo‘ysinuvidagi tumanlarda esa mavsumiy (yil davomida 6—10 oy, qishda uyga qaytish) xarakterga ega. Bunda Tojikiston mehnat muhojirlarining 98 foizi Rossiyada mehnat qilishi qayd etildi.
Tojik mehnat muhojirlarining Rossiyada bo‘lish rejimi keskinlashtirilib, migratsiya qonunchiligini buzganlik uchun deport qilishlar soni keskin oshgan. Shu bilan birga, ekspert fikricha, bu holat Rossiyada qonuniy migrantlar sonining oshishiga (77 foizgacha) olib kelgan.
Izoh (0)