Osiyo taraqqiyot banki direktorlar kengashi O‘zbekistondagi iqtisodiy boshqaruvni yaxshilashga ko‘maklashish uchun 300 million dollar ajratdi, deb xabar beradi “Gazeta.uz”.
Iqtisodiy boshqaruvni yaxshilash dasturi hukumatning fiskal barqarorlikni ta’minlashga doir xatti-harakatlarini qo‘llab-quvvatlash, shuningdek, mamlakat iqtisodiyotining barcha tarmoqlarida yetakchilik qilayotgan davlat tashkilotlarining samarali ish faoliyatini ta’minlashga yo‘naltiriladi.
Bundan tashqari, Osiyo taraqqiyot banki O‘zbekiston hukumatining islohotlarni amaliyotga tatbiq etish salohiyatini mustahkamlash uchun bir million dollar miqdorida texnik ko‘mak ko‘rsatadi.
Jahon banki ushbu dasturni moliyalashtirishga ko‘maklashish uchun 500 million dollar ajratadi.
Izoh (0)