Joriy yilning 14-may kuni O‘zbekiston Prezidentining Qurolli Kuchlar harbiylari va ularning oila a’zolarini ijtimoiy qo‘llab-quvvatlashga oid qo‘shimcha chora-tadbirlar to‘g‘risidagi qarori qabul qilingandi. Vazirlar Mahkamasi 22-iyun kuni mazkur qarorning Nizomini tasdiqladi. Bu haqda Mudofaa vazirligi matbuot xizmati xabar berdi.
Unga asosan tavsiyanomalar quyidagi harbiy xizmatchilarga beriladi:
—Mamlakat mudofaa qudratini mustahkamlashga munosib hissa qo‘shgan, jangovar-xizmatda va ilmiy faoliyatda muayyan natijalarga erishgan O‘zbekiston Respublikasi Qurolli Kuchlari tarkibiga kiruvchi vazirliklar (idoralar)ning haqiqiy xizmatni o‘tayotgan ofitserlariga, serjantlar va oddiy askarlar tarkibiga mansub bo‘lgan kontrakt bo‘yicha harbiy xizmatchilarga — bevosita komandirlari (boshliqlari) tavsiyanomasiga asosan ular farzandlarining oliy ta’lim muassasalariga o‘qishga kirishi uchun;
—Harbiy xizmat vazifalarini bajarish chog‘ida halok bo‘lgan hamda harbiy xizmat vazifalarini bajarish chog‘ida yaradorlik, kontuziya, shikastlanish yoki kasalliklar oqibatida nogiron bo‘lib qolgan O‘zbekiston Respublikasi Qurolli Kuchlari tarkibiga kiruvchi vazirliklar va idoralarning ofitserlari, serjantlar va oddiy askarlar tarkibiga mansub bo‘lgan kontrakt bo‘yicha harbiy xizmatchilari farzandlariga beriladi.
Tavsiyanomalar blankalarini tayyorlash vazirliklar va idoralar tomonidan Davlat budjeti parametrlarida har yili ushbu vazirliklar va idoralar uchun nazarda tutiladigan mablag‘lar hisobiga “Davlat belgisi” davlat-ishlab chiqarish birlashmasida amalga oshiriladi.
Tavsiyanomalarni berish masalasini ko‘rib chiqish uchun O‘zbekiston Respublikasi Qurolli Kuchlari tarkibiga kiruvchi vazirliklarda vazirlik rahbarining tegishli masalalar bo‘yicha o‘rinbosari raisligida komissiya tuziladi. Kamida besh nafar rahbar xodimlar va vakolatli mutaxassislardan iborat bo‘lgan komissiya O‘zbekiston Respublikasi Qurolli Kuchlari tarkibiga kiruvchi vazirlik (idora) rahbarining buyrug‘i bilan tasdiqlanadi.
Komandir (boshliq)lar komissiyaga ko‘rib chiqish uchun quyidagi hujjatlarni taqdim etadi
a) harbiy xizmatchiga:
- Bevosita komandir (boshliq)ning tavsiyanomasi;
- ma’lumotnoma-obyektivka;
- biografik ma’lumotlar;
- xizmat faoliyati natijalari bo‘yicha batafsil hisobot;
- harbiy xizmatchi farzandining pasporti va tug‘ilganlik haqida guvohnomasi nusxalari.
- vazirlik (idora) hududiy organi, mudofaa ishlari boshqarmasi boshlig‘ining tavsiyanomasi;
- harbiy xizmatchi harbiy xizmat vazifalarini bajarish chog‘ida halok bo‘lganligi to‘g‘risida vazirlik (idora) rahbarining buyrug‘idan ko‘chirma;
- harbiy xizmatchining o‘limi haqidagi guvohnomadan nusxa;
- halok bo‘lgan harbiy xizmatchi farzandining pasporti va tug‘ilganlik haqida guvohnomasi nusxalari;
- Vazirlik (idora) hududiy organi, mudofaa ishlari boshqarmasi boshlig‘ining tavsiyanomasi;
- tibbiy-mehnat ekspert komissiyasi tomonidan berilgan harbiy xizmatchining nogironligi haqidagi ma’lumotnoma;
- yaradorlik, kontuziya, shikastlanish yoki kasalliklar bo‘yicha harbiy-tibbiy ekspertiza o‘tkazadigan muassasaning xulosasi;
- harbiy xizmatchi farzandining pasporti va tug‘ilganlik haqidagi guvohnomasi nusxalari.
Nizomning to‘liq shakli bilan quyidagi havola orqali tanishish mumkin.
Izoh (0)