Kogonda Spark va Lada to‘qnashdi. 3 kishi halok bo‘ldi, 4 kishi yaralandi

Buxoro viloyatining Kogon tumanida 23-iyun kuni Buxoro shahrida yashovchi B.R. Spark mashinasini Geofizika mahallasidan o‘tuvchi A-380 yo‘lida haydab ketayotganda qarama-qarshi yo‘nalishga chiqib ketib, qarshisidan kelayotgan “Lada-21015” bilan to‘qnashuv sodir etdi. Bu haqda IIV jamoatchilik va OAV bilan aloqalar boshqarmasi xabar berdi.

To‘qnashuv oqibatida “Lada-21015” haydovchisi E.S., Spark yo‘lovchilari — Buxoro shahrida yashagan A.O. va A.T. olgan jarohatlari sababli voqea joyida halok bo‘ldi.

Spark haydovchisi B.R., uning yo‘lovchilari — ukasi F.R., Buxoro shahrida yashovchi M.H. hamda “Lada-21015” yo‘lovchisi, Kogon shahrida yashovchi L.Yu. turli darajadagi tan jarohatlari olib kasalxonaga yotqizildi.